კრუბერის გამოქვაბული

კრუბერის გამოქვაბული დედამიწაზე ცნობილ გამოქვაბულთა შორის ყველაზე ღრმაა. იგი მდებარეობს საქართველოში, აფხაზეთში.
მანძილი გამოქვაბულის შესასვლელიდან უღრმეს გამოკვლეულ წერტილამდე შეადგენს 2,191 ± 20 მეტრს (7,188 ± 66 ft). იგი აღიარეს მსოფლიოს ყველაზე ღრმა გამოქვაბულად 2001 წელს, როდესაც უკრაინის სპელეოლოგთა ასოციაციამ მოაწყო ექსპედიცია და მიაღწია 1710 მეტრიან სიღრმეს.
შემდეგ სპელეოლოგიის ისტორიაში  მოხდა უპრეცენდენტო შემთხვევა, უკრაინელებმა მიაღწიეს 2000 მეტრს და გამოიკვლიეს 2080 მეტრის სიღრმე. 2007 წლის აგვისტო-სექტემბერში კი უკრაინის სპელეოლოგთა ასოციაციის წევრმა გენადი სამოხინმა მიაღწია 2191 მეტრს. დღესდღეობით კრუბერის გამოქვაბული ერთადერთია მსოფლიოში ცნობილ გამოქვაბულთა შორის, რომლის სიღრმე აღემატება 2000 მეტრს.